…Հայի գենը ծաղրողներին կարելի էր հրավիրել հայաճանաչման դասընթացի, իսկ հետո հավերժ ճանապարհել հեռավոր «լավ ու բարեկիրթ աշխարհ»…
…Հայի գենը…
Հայի գենը սեփական հողին անմնացորդ նվիրումն է…
Հայի գենը սեփական հողի հետ մահանալը սարսափելի չհամարելն է…
Հայի գենը մայրական նվիրական բնազդը, երեխայի նկատմամբ սիրո բարձրագույն դրսևորումը, աննկարագրելի խնամքն ու հոգատարությունն է…
Հայի գենը հայրական բարձր պատասխանատվության զգացումն է, մի քիչ չարտահայտվող, բայց շատ մեծ սերն ու մինչև խորը ծերություն երեխայի համար ինչ որ բան անելու ձգտումն է…
Հայի գենը մինչև կյանքի վերջը ծնողներից իրենց ստացած ջերմությունը, սերը ու հոգատարությունը վերադարձնող զավակներն են…
Հայի գենը երեխայի ու ծերի նկատմամբ անհարց ուշադրությունն է…
Հայի գենը մեր երկինք հառված հավատն է պայծառ ապագայի, արդարության և ազնվության հաստատման մասին…
Հայի գենը մեր պահպանողական ու մաքսիմալիստական վերաբերմունքն է գրքասիրության նկատմամբ…
Հայի գենը մեր հայերենը պահպանելն ու աստվածային համարելն է…
Հայի գենը հայերենը չաղավաղելն է…
Հայի գենը կանանց ներկայությամբ հայհոյանքի բացառումն է…
Հայի գենը օտարության մեջ Հայկականը տարածելն է…
Հայի գենը հայկական պարի տղամարդկային խրոխտությունն ու կանացի նազանքն է…
Հայի գենը հայկականը ճանաչելն է հեռավորությունից՝ հայ աչքերը, հայ մարդուն, հայ նկարը, հայ երաժշտությունը, հայ եկեղեցին, հայ էությունը…
Հայի գենը Արարատը պաշտելն է…
…Հայի գենը, ցավոք, նաև ցեղասպանությունը կրողն է…
Իսկ մնացյալը, դժբախտաբար, այլ մշակույթների և պետությունների բացասական ազդեցությունն է, որը պետք չէ խառնել իրական արժեքների և հայկական իրական դրսևորումների հետ…
Կյանքն այն է, ինչ կա 